Árið 2009 hefur verið gert upp af stjórn Landsmenntar og er staða sjóðsins sterk, hvort heldur sem litið er á fjárhagslega stöðu eða stöðu gagnvart fjölda verkefna sem sjóðurinn hefur komið að.
Styrkloforðum til fyrirtækja fjölgaði um 38% á milli ára og er ánægjulegt að sjá hversu vel fyrirtæki hafa tekið við sér í tengslum við endur-og símenntun starfsmanna sinna. Það er ekki síður mikilvægt að sinna þessum þætti á tímum kreppu og aðhalds heldur en á tímum uppgangs og þennslu.
Styrkjum til einstaklinga fjölgaði einnig á milli ára og voru greiddir út samtals 1769 styrkir á árinu. Nýting félagsmanna aðildarfélaganna hefur verið mjög jöfn á milli ára og núna fjölgaði þeim um 5%. Þá er skipting á milli karla og kvenna nánast til helminga en karlar eru með 52% styrkjanna á móti 48% kvenna.
Unga fólkið í aðildarfélögunum er langstærsti hópur notenda sjóðsins þar sem hópurinn 21-30 ára fólk er um 37% af heildinni.
Sjá nánar ársskýrslu hér. | 
